Qozog‘iston Superkubogi uchun kechgan o‘yinda «Tobol» va «Qayrat» 2 mart, chorshanba kuni o‘zaro bahs yuritdi.

Uchrashuv «Tobol»ning 2:1 hisobidagi g‘alabasi bilan yakunlandi. Kostanayliklar safida Serikjan Mujikov (penalti) va Aybar Jaqsilikov o‘z safiga gol yozdirib qo‘ydi. «Qayrat»ning javob goliga esa Joau Paulo mualliflik qildi. Mehmonlar legioneri Rikardu Alvesh hisobni tenglashtirishi mumkin edi, ammo u penaltidan foydalana olmadi.

«Tobol»ning o‘zbekistonlik hujumchisi Igor Sergeev 81-daqiqada zaxiraga olingan bo‘lsa, «Qayrat» safidagi Jasur Jaloliddinov zaxirada qoldirildi.

Shu tariqa, «Tobol» mamlakat Superkubogini qo‘lga kiritdi. Qayd etish kerak, jamoa o‘tgan yili ham Superkubokni o‘ziniki qilgandi.

Qozog‘iston superkubogi.
«Tobol» – «Qayrat» – 2:1
Gollar: Serikjan Mujikov 30 (penalti), Aybar Jaqsilikov 83 – Joao Paulo 39
Noaniq penalti: Rikardu Alvesh 64
«Tobol»: Aleksandr Mokin – Vladislav Vasilyev, Jarko Tomashevich, Sergey Maliy, Aleksandr Marochkin, Bagdat Kairov – Dushan Yovanchich, Serikjan Mujikov – Ruben Bridjido (Samat Jarinbetov 90), Zoran Toshich (Asxat Tagibergen 65), Igor Sergeev (Aybar Jaqsilikov 81);
«Qayrat»: Danil Ustimenko – Sergey Keyler, Arsen Buranchiyev, Viktor Vasin, Maki Banyak, Yerkebulan Seydaxmet – Yasek Guralskiy (S), Rikardu Alvesh – Daniyar Usenov, Joao Paulo (Guljigit Aliqulov 84), Xose Kante (Artur Shushenachev 58);