Mart oyining so‘ngida Birlashgan Arab Amirliklarida 23 yoshgacha bo‘lgan futbolchilar o‘rtasida xalqaro «Dubai Cup» musobaqasi o‘tkaziladi.

Unda 10ta terma jamoa ishtirok etishi rejalashtirilgan bo‘lib, O‘zbekiston olimpiya terma jamoasi ham ushbu turnirga taklif etilgan. Musobaqa ishtirokchilari — O‘zbekiston, Tailand, Saudiya Arabistoni, Xorvatiya, Yaponiya, Qatar, Vyetnam, Xitoy, Iroq va BAA.

O‘zbekiston termasi 23 mart kuni Saudiya Arabistoni jamoasiga qarshi o‘ynasa, yana 3 kundan keyin mezbonlarga qarshi maydonga tushadi. 29 mart kuni esa 3-o‘yin bo‘ladi, lekin raqib dastlabki 2ta tur natijalariga ko‘ra aniqlanadi.

Oddiy aytganda, 10ta jamoa 2tadan o‘yin natijalariga ko‘ra, jadvalda o‘rinlar bo‘yicha joylashtiriladi. Birinchi jamoa ikkinchisiga qarshi o‘ynasa, uchinchisi to‘rtinchisi bilan to‘qnash keladi va hokazo.

Shu tariqa, 3ta uchrashuvdan so‘ng musobaqa g‘olibi aniqlanadi.