"Paxtakor" bosh murabbiyi Slavche Voyenski "Dinamo"ga qarshi o‘yindan so‘ng (2:0) o‘z fikrlari bilan o‘rtoqlashdi
"Mezbonlarga yaxshi tashkilotchilik uchun rahmat aytaman. Bu o‘yin mezbon jamoa va Samarqand shahri uchun katta ahamiyat kasb etishini bilardik. Shunday bellashuvda maydonga tushganimizdan xursandman. Bahsga keladigan bo‘lsak, ikki xil bo‘limlarni kuzatdik. Birinchi bo‘limda to‘liq ustunlikka erishdik. Ikkitadan ko‘proq gol urishimiz ham mumkin edi. Ikkinchi bo‘limda to‘pni nazorat qilishda davom etdik, ammo yigitlar vaziyatlarga osonroq chiqib borishni xohlashdi. Ba’zan zarur bo‘lmagan holatda to‘p yo‘qotdik. Bu borada hushyorroq bo‘lishimiz lozim. Umuman olganda, o‘yin va natijadan to‘liq qoniqdim. To‘rt kun ichida ikki uchrashuvda maydonga tushdik. Futbolchilar yaxshi o‘ynashdi va oxirigacha jonkuyarlik ko‘rsatishdi.
Rashidov oyog‘ida og‘riq borligi sababli o‘ynamadi. Shifokor bilan maslahatlashgan holda uni Toshkentda qoldirishga qaror qildik. Keyingi o‘yin uchun mashg‘ulotlarda Sardor jamoa bilan birga bo‘ladi", - dedi Voyenski.
