"Inter" himoyachisi Stefan de Vrey faoliyatini Angliya Premyer-ligasida davom ettirishi mumkin. 30 yoshli futbolchining xizmatlariga "Tottenxem" qiziqish bildirmoqda, deb xabar beradi Inter Live.

Manbaga ko‘ra, ingliz klubi futbolchiga mavsumiga 6,5 million yevro maosh bilan 4 yillik shartnoma taklif qilishga tayyor. Italiya klubi himoyachini 25-30 million yevroga sotishi mumkin.

30 yoshli de Vrey 2018 yildan buyon Italiyaning amaldagi chempionatida to‘p surmoqda, u jamoaga erkin agent sifatida qo‘shilgan. Italiya A seriyasining bu mavsumida niderlandiyalik futbolchi 21 uchrashuvda maydonga tushgan. Himoyachining "neradzurrilar" bilan amaldagi shartnomasi 2023 yilda yakuniga etadi. Transfermarkt ma’lumotlariga ko‘ra, De Vreyning bozor qiymati 50 million yevroga baholangan.