«Torino» himoyachisi Vilfred Singo faoliyatini Angliya Premyer-ligasida davom ettirishi mumkin.

CBS Sport nashri xabariga ko‘ra, 21 yoshli futbolchining xizmatlariga «Tottenxem» va «Arsenal» qiziqish bildirmoqda va ushbu klublarning skautlari allaqachon Sangoning o‘yinini tomosha qilish uchun Italiyaga tashrif buyurishgan. Ingliz klublari Vilfredni «Torino» bilan shartnomasi bir yildan keyin tugashi sababli arzon narxda olishni mo‘ljallamoqda.

Kot-d’Ivuarlik futbolchi joriy mavsumda Italiya klubi safida barcha turnirlar doirasida 26 ta o‘yinda maydonga tushib, 3 ta gol urdi va 4 ta golli uzatmani amalga oshirdi. Transfermarkt portali xabariga ko‘ra, uning transfer qiymati 12 million yevroga baholanmoqda.