«Торино» ҳимоячиси Вилфред Синго фаолиятини Англия Премьер-лигасида давом эттириши мумкин.
CBS Sport нашри хабарига кўра, 21 ёшли футболчининг хизматларига «Тоттенхэм» ва «Арсенал» қизиқиш билдирмоқда ва ушбу клубларнинг скаутлари аллақачон Сангонинг ўйинини томоша қилиш учун Италияга ташриф буюришган. Инглиз клублари Вилфредни «Торино» билан шартномаси бир йилдан кейин тугаши сабабли арзон нархда олишни мўлжалламоқда.
Кот-д’Ивуарлик футболчи жорий мавсумда Италия клуби сафида барча турнирлар доирасида 26 та ўйинда майдонга тушиб, 3 та гол урди ва 4 та голли узатмани амалга оширди. Трансфермаркт портали хабарига кўра, унинг трансфер қиймати 12 миллион еврога баҳоланмоқда.
