«Barselona» rahbarlari «PSJ» hujumchisi Kilian Mbappening shu yozda «Real»ga o‘tishiga ishonishmoqda.
Goal nashri xabariga ko‘ra, Kataloniya klubi rahbariyati Mbappening «Real»ga o‘tishini rasmiy tasdiqlanmaganiga qaramay, deyarli yopilgan transfer deb hisoblamoqda. Bu borada Kataloniya klubi kelasi mavsumda «qaymoqranglilar» bilan raqobatlashish uchun jamoani kuchaytirish yo‘llarini izlash ustida ishlamoqda.
Shu sabab klub turli pozisiyalar uchun o‘yinchilarni topishga harakat qilmoqda. Xullas, «Chelsi» futbolchilari Andreas Kristensen va Sesar Aspilikueta himoyani, Frank Kessye esa «ko‘k-anorranglilar» yarim himoyasini kuchaytirishi mumkin. Bundan tashqari, klub Erling Xolandni sotib olishdan umidvor.
