«Барселона» раҳбарлари «ПСЖ» ҳужумчиси Килиан Мбаппенинг шу ёзда «Реал»га ўтишига ишонишмоқда.

Goal нашри хабарига кўра, Каталония клуби раҳбарияти Мбаппенинг «Реал»га ўтишини расмий тасдиқланмаганига қарамай, деярли ёпилган трансфер деб ҳисобламоқда. Бу борада Каталония клуби келаси мавсумда «қаймоқранглилар» билан рақобатлашиш учун жамоани кучайтириш йўлларини излаш устида ишламоқда.

Шу сабаб клуб турли позициялар учун ўйинчиларни топишга ҳаракат қилмоқда. Хуллас, «Челси» футболчилари Андреас Кристенсен ва Сесар Аспиликуэта ҳимояни, Франк Кессье эса «кўк-анорранглилар» ярим ҳимоясини кучайтириши мумкин. Бундан ташқари, клуб Эрлинг Холандни сотиб олишдан умидвор.