«PSJ» himoyachisi Markinyos hujumchi Lionel Messining Parij klubiga moslashishi haqida gapirdi.

«Lionelning hayotida ko‘p narsa o‘zgardi», - deya fikr bildiradi Markinyos. - Hozirda biz Messining «PSJ»ga asta-sekin moslashib borayotganini ko‘ryapmiz. Men buni juda yaxshi his qilaman. Lionel xursand, mashg‘ulotlarda yaxshi, o‘yinlarda esa undan ham yaxshi. U «Barselona»dan farq qiladigan o‘yin uslubimizni tobora tushunib bormoqda».

Himoyachining so‘zlariga ko‘ra, klub hujumchi uchun yaxshi sharoitlarni yaratishga harakat qilmoqda.

«Biz Messi uchun ham, Mbappe uchun ham yaxshi sharoitlarni yaratishga harakat qilyapmiz. Lionel jahon miqyosida ko‘proq o‘yin o‘tkazishi uchun zarur», - dedi futbolchi.

34 yoshli argentinalik futbolchi joriy mavsumda «PSJ» safida 23 o‘yinda 7 ta gol urdi va 11 ta golli uzatmani amalga oshirdi. Uning parijliklar klubi bilan shartnomasi 2023 yilning 30 iyuniga qadar mo‘ljallangan.