«ПСЖ» ҳимоячиси Маркиньос ҳужумчи Лионель Мессининг Париж клубига мослашиши ҳақида гапирди.
«Лионелнинг ҳаётида кўп нарса ўзгарди», - дея фикр билдиради Маркиньос. - Ҳозирда биз Мессининг «ПСЖ»га аста-секин мослашиб бораётганини кўряпмиз. Мен буни жуда яхши ҳис қиламан. Лионель хурсанд, машғулотларда яхши, ўйинларда эса ундан ҳам яхши. У «Барселона»дан фарқ қиладиган ўйин услубимизни тобора тушуниб бормоқда».
Ҳимоячининг сўзларига кўра, клуб ҳужумчи учун яхши шароитларни яратишга ҳаракат қилмоқда.
«Биз Месси учун ҳам, Мбаппе учун ҳам яхши шароитларни яратишга ҳаракат қиляпмиз. Лионель жаҳон миқёсида кўпроқ ўйин ўтказиши учун зарур», - деди футболчи.
34 ёшли аргентиналик футболчи жорий мавсумда «ПСЖ» сафида 23 ўйинда 7 та гол урди ва 11 та голли узатмани амалга оширди. Унинг парижликлар клуби билан шартномаси 2023 йилнинг 30 июнига қадар мўлжалланган.
