Turinning «Yuventus» klubi himoyachisi Leonardo Bonuchchi jarohat oldi.

Sky Sport Italia nashri xabariga ko‘ra, italiyalik futbolchi «Empoli»ga qarshi o‘yinda o‘zini noqulay his qilgan va shu sabab «Fiorentina» bilan uchrashuvni o‘tkazib yuborgan. Bonuchchi tibbiy ko‘rikdan o‘tdi, natijada Leonardoning chap oyog‘ining mushagi cho‘zilgani ma’lum bo‘ldi. Qayd etilishicha, himoyachi kamida yetti kun o‘tkazib yuboradi va keyingi o‘yinda ham jamoasiga yordam bermaydi.

34 yoshli italiyalik joriy mavsumda «Yuventus» safida barcha turnirlarda yigirma beshta o‘yin o‘tkazdi va uchta gol urdi. Bonuchchining turinliklar bilan shartnomasi 2024 yilning 30 iyuniga qadar amal qiladi.