Jurnalist Fabrisio Romano tvitterda «Chelsi» yarim himoyachisi Ngolo Kante Londonda qolishni istashi haqida xabar qildi.
«Chelsi»ga kelganimdan beri jamoa, murabbiylar va muxlislar bilan ko‘p ajoyib mavsumlarni o‘tkazdim. Umid qilamanki, biz shunday davom eta olamiz, g‘alaba qozonishda davom etamiz va men kelajagimni shu yerda ko‘raman», - deya Kantening so‘zlarini keltiradi Romano.
30 yoshli Kantening transfer narxi 50 million yevroni tashkil qiladi. Uning «Chelsi» bilan shartnomasi 2023 yilning 30 iyuniga qadar amal qiladi.
«Ko‘klar» bilan birgalikda Ngolo Kante Chempionlar ligasi, Yevropa ligasi, UYEFA Superkubogi, klublar o‘rtasidagi jahon chempionatida g‘olib chiqdi, Angliya chempioni bo‘ldi va Angliya kubogini qo‘lga kiritdi.
