Журналист Фабрицио Романо твиттерда «Челси» ярим ҳимоячиси Нголо Канте Лондонда қолишни исташи ҳақида хабар қилди.
«Челси»га келганимдан бери жамоа, мураббийлар ва мухлислар билан кўп ажойиб мавсумларни ўтказдим. Умид қиламанки, биз шундай давом эта оламиз, ғалаба қозонишда давом этамиз ва мен келажагимни шу ерда кўраман», - дея Кантенинг сўзларини келтиради Романо.
30 ёшли Кантенинг трансфер нархи 50 миллион еврони ташкил қилади. Унинг «Челси» билан шартномаси 2023 йилнинг 30 июнига қадар амал қилади.
«Кўклар» билан биргаликда Нголо Канте Чемпионлар лигаси, Европа лигаси, УЕФА Суперкубоги, клублар ўртасидаги жаҳон чемпионатида ғолиб чиқди, Англия чемпиони бўлди ва Англия кубогини қўлга киритди.
