Rossiya terma jamoasi boshqaruvchisi Valeriy Karpin terma jamoaning yaqin kelajakdagi rejalari haqida gapirdi.
«21 mart kuni terma jamoani yig‘ib, 26 martga qadar yig‘in o‘tkazishga qaror qildik. Hozircha qaysi jamoa bilan ekanligini bilmayman. Hozir bu haqda ayta olmayman, balki yoshlar jamoasi bilan o‘ylarmiz.
Bitta sinov o‘yini bo‘ladimi?
Ha.
Qayerda?
Bu masala ishlab chiqilmoqda. Ehtimol, Moskvada, lekin aniq qayerda ekanligini ayta olmayman. Yoshlar jamoasi ham yig‘iladi. Shuningdek, ular bilan o‘ynash uchun ham raqib kerak», - deya Karpinning so‘zlarini keltiradi Sport 24.
Eslatib o‘tamiz, avvalroq UYEFA va FIFA Ukrainadagi urush tufayli Rossiya futboliga qarshi sanksiyalar joriy qilgandi. Hozirda Rossiya jamoalari va terma jamoalari xalqaro maydonda o‘ynay olmaydi. Shu tariqa, Rossiya terma jamoasi JCH-2022 saralash pley-offida o‘ynamaydi va Qatardagi Mundialni o‘tkazib yuboradi.
Qolaversa, Moskvaning «Spartak» klubi Yevropa ligasining 1/8 finalida «Leypsig»ga qarshi o‘yini ham bekor qilingan. Nemis klubi avtomatik tarzda turnirning chorak finaliga yo‘l oldi.
