«Chelsi» bosh murabbiyi Tomas Tuxel Angliyadagi faoliyati haqidagi taassurotlari bilan o‘rtoqlashdi.

«Premyer-ligada ishlash menga zavq bag‘ishlashini ko‘p marta aytganman. Angliyada hamma narsa mening uslubimga mos keladi. Bu yerda an’analarni va umuman sportga, xususan futbolga mehrni his qilaman. Bu yer ajoyib joy. «Chelsi» men uchun mukammal klub.

Menga bu yerdagi hamma narsa yoqadi. Bu klub haqida hamma narsa yoqadi. Umid qilamanki, hammasi shunday bo‘lib qoladi», - deya fikr  bildiradi Tuxel.

Eslatib o‘tamiz, 26 fevral kuni Abramovich klub boshqaruvini «Chelsi» xayriya jamg‘armasi vasiylariga topshirgan edi. 2 mart kuni u klubni sotish niyatida ekanligini ma’lum qildi. Rossiyalik tadbirkor «aristokratlar»ni sotishdan 4 milliard funt sterling (4,84 milliard yevro) olmoqchi.