«Челси» бош мураббийи Томас Тухель Англиядаги фаолияти ҳақидаги таассуротлари билан ўртоқлашди.
«Премьер-лигада ишлаш менга завқ бағишлашини кўп марта айтганман. Англияда ҳамма нарса менинг услубимга мос келади. Бу ерда анъаналарни ва умуман спортга, хусусан футболга меҳрни ҳис қиламан. Бу ер ажойиб жой. «Челси» мен учун мукаммал клуб.
Менга бу ердаги ҳамма нарса ёқади. Бу клуб ҳақида ҳамма нарса ёқади. Умид қиламанки, ҳаммаси шундай бўлиб қолади», - дея фикр билдиради Тухел.
Эслатиб ўтамиз, 26 февраль куни Абрамович клуб бошқарувини «Челси» хайрия жамғармаси васийларига топширган эди. 2 март куни у клубни сотиш ниятида эканлигини маълум қилди. Россиялик тадбиркор «аристократлар»ни сотишдан 4 миллиард фунт стерлинг (4,84 миллиард евро) олмоқчи.
