"Chelsi" himoyachisi Sesar Aspilikueta Roman Abramovichning umrining 20 yilini bag‘ishlagan London klubini sotish haqidagi qaroriga izoh berdi.
"Bu, albatta, yomon xabar. U bu klubga juda ko‘p sarmoya kiritdi, uning eng yaxshilardan biriga aylanishiga yordam berdi, ko‘plab sovrinlarni qo‘lga kiritdi. Abramovich o‘z nomini "Chelsi" tarixiga abadiy yozib qoldirdi.
Albatta, sotuv haqidagi xabar biz uchun kutilmagan, yoqimsiz syurpriz bo‘ldi. Ammo biz bunday jarayonlarga ta’sir qila olmaymiz. Biz futbol o‘ynashimiz, muxlislarimiz uchun eng yaxshi futbol ko‘rsatishimiz kerak. Biz faqat bunga ta’sir o‘tkazishga qodirmiz, maydon tashqarisida sodir bo‘layotgan voqealarga emas", - dedi ispaniyalik.
