"Челси" ҳимоячиси Сесар Аспиликуэта Роман Абрамовичнинг умрининг 20 йилини бағишлаган Лондон клубини сотиш ҳақидаги қарорига изоҳ берди.
"Бу, албатта, ёмон хабар. У бу клубга жуда кўп сармоя киритди, унинг энг яхшилардан бирига айланишига ёрдам берди, кўплаб совринларни қўлга киритди. Абрамович ўз номини "Челси" тарихига абадий ёзиб қолдирди.
Албатта, сотув ҳақидаги хабар биз учун кутилмаган, ёқимсиз сюрприз бўлди. Аммо биз бундай жараёнларга таъсир қила олмаймиз. Биз футбол ўйнашимиз, мухлисларимиз учун энг яхши футбол кўрсатишимиз керак. Биз фақат бунга таъсир ўтказишга қодирмиз, майдон ташқарисида содир бўлаётган воқеаларга эмас", - деди испаниялик.
