«Arsenal» hujumchisi Gabriyel Martinelli butun faoliyatini «kanonirlar» safida o‘tkazishga tayyorligini aytdi.

“Bizda ko‘plab yosh futbolchilar mavjud va oldimizda ko‘p vaqt bor. Jamoada katta yutuqlarga erishish uchun zarur fazilatlar bor. Biz bor e’tiborimizni Chempionlar ligasiga qaratganmiz va ligada kuchli to‘rttalikka kirishni istaymiz. «Arsenal»dek klub Chempionlar ligasida o‘ynashi kerak.

Biz har doim ko‘proq narsani xohlaymiz. «Arsenal» - katta klub. Qo‘limdan kelsa, butun umr shu yerda o‘ynayman. Men shu yerda qolib, jamoadaoshlarim va ajoyib muxlislarimiz bilan chempionlikni qo‘lga kiritishni istayman», - dedi Martinelli Goal portali bilan suhbatda.

Martinelli «Arsenal»da 2019 yilning iyulidan beri to‘p suradi. 2021/22 yilgi mavsumda 20 yoshli braziliyalik «kanonirlar» safida 23 ta o‘yinda maydonga tushib, 4 ta gol va 3 ta golli uzatmaga mualliflik qilgan.