Angliyaning «Everton» bosh murabbiyi Frenk Lempard tadbirkor Alisher Usmonovga nisbatan qo‘llanilgan sanksiyalar uning jamoasiga ta’sir qilmaganini ta’kidladi.

«Men bu mavzuda hech kim bilan gaplashmadim, bu mening jamoamga ta’sir qilmadi. Menda hech qanday tashvish yo‘q, lekin vaziyatni izohlash uchun yetarli ma’lumotga ega emasman. Men bor e’tiborimni jamoaga va bu yerda qilayotgan ishimga qaratishim kerak”, – deya Lempardning so‘zlaridan iqtibos keltirmoqda Sky Sports.

Eslatib o‘tamiz, 2 martga qadar Alisher Usmonovning USM, «Megafon» va Yota kompaniyalari "Everton" homiysi bo‘lgan. "Everton" aksiyalarining katta qismi (68,6 foiz) Usmonovning biznes sherigi Farhod Moshiriga tegishli.

«Everton» 24 o‘yinda 22 ochko to‘plagan holda Premyer-liga turnir jadvalida 17-o‘rinni egallab turibdi.