Англиянинг «Эвертон» бош мураббийи Фрэнк Лэмпард тадбиркор Алишер Усмоновга нисбатан қўлланилган санкциялар унинг жамоасига таъсир қилмаганини таъкидлади.
«Мен бу мавзуда ҳеч ким билан гаплашмадим, бу менинг жамоамга таъсир қилмади. Менда ҳеч қандай ташвиш йўқ, лекин вазиятни изоҳлаш учун етарли маълумотга эга эмасман. Мен бор эътиборимни жамоага ва бу ерда қилаётган ишимга қаратишим керак”, – дея Лэмпарднинг сўзларидан иқтибос келтирмоқда Sky Sports.
Эслатиб ўтамиз, 2 мартга қадар Алишер Усмоновнинг USM, «Мегафон» ва Yota компаниялари "Эвертон" ҳомийси бўлган. "Эвертон" акцияларининг катта қисми (68,6 фоиз) Усмоновнинг бизнес шериги Фарҳод Моширига тегишли.
«Эвертон» 24 ўйинда 22 очко тўплаган ҳолда Премьер-лига турнир жадвалида 17-ўринни эгаллаб турибди.
