«Frayburg» himoyachisi Kevin Shlotterbek «Bavariya» va Dortmundning «Borussiya» klublari qiziqishlari doirasida.

Biroq 22 yoshli futbolchi yakuniy qarorni mavsum yakunlanganidan keyin qabul qilishini ta’kidladi.

“Hozir bor e’tiborimni o‘yinga qaratganman. Keyingi qadam haqida keyinroq o‘ylab ko‘raman», - deya futbolchining so‘zlarini keltiradi Sky Germany.

Shlotterbekning «Frayburg» bilan shartnomasi 2023 yilning yoziga qadar amal qiladi. Transfermarkt portali futbolchining narxini 20 million yevroga baholamoqda.

Joriy mavsumda himoyachi Bundesligada 22 ta o‘yin o‘tkazib, 3 ta gol urgan.