«Фрайбург» ҳимоячиси Кевин Шлоттербек «Бавария» ва Дортмунднинг «Боруссия» клублари қизиқишлари доирасида.
Бироқ 22 ёшли футболчи якуний қарорни мавсум якунланганидан кейин қабул қилишини таъкидлади.
“Ҳозир бор эътиборимни ўйинга қаратганман. Кейинги қадам ҳақида кейинроқ ўйлаб кўраман», - дея футболчининг сўзларини келтиради Sky Germany.
Шлоттербекнинг «Фрайбург» билан шартномаси 2023 йилнинг ёзига қадар амал қилади. Transfermarkt портали футболчининг нархини 20 миллион еврога баҳоламоқда.
Жорий мавсумда ҳимоячи Бундеслигада 22 та ўйин ўтказиб, 3 та гол урган.
