Madridning «Real» klubi futbolchisi Rodrigo kecha «Real Sosyedad» ustidan qozonilgan g‘alabaning ahamiyati haqida gapirdi.
«Kecha qilgan eng yaxshi ishimiz - hisobda ortda qolganimizga qaramay, hujum qilishda to‘xtamadik. Biz oxirigacha hujum qildik. Birinchi bo‘limni ajoyib o‘tkazdik va g‘alaba qozonganimizdan juda xursandmiz. Muxlislar biz bilan o‘ynashdi va hujum qilishimizda qo‘shimcha kuch berishdi. Vinisius va men qanotlarda ko‘plab vaziyatlar yaratdik, Kamavinga va Modrich ikkita ajoyib gol urishdi.
«Bu bizning uyimiz va biz muxlislarimiz bilan o‘ynaymiz. Ular har bir o‘yinda yonimizda bo‘lishadi va buning evaziga biz ancha kuchayib boramiz. Umid qilamizki, mavsum oxirigacha shunday davom etamiz.
«Bizda hammasi yaxshi. Bugun yana bir «final» bo‘ldi: biz bu juda muhim o‘yin ekanligini bilardik, chunki g‘alaba evaziga biz «Sevilya»dan 8 ochko oldinga o‘tib ketdik. Chorshanba kuni yana bir «final» bo‘ladi va biz barcha muammolarni bugungidek hal qilishimiz kerak. Biz qaytishimiz kerak va oxirigacha kurashamiz» - dedi Rodrigo.
