Мадриднинг «Реал» клуби футболчиси Родриго кеча «Реал Сосьедад» устидан қозонилган ғалабанинг аҳамияти ҳақида гапирди.

«Кеча қилган энг яхши ишимиз - ҳисобда ортда қолганимизга қарамай, ҳужум қилишда тўхтамадик. Биз охиригача ҳужум қилдик. Биринчи бўлимни ажойиб ўтказдик ва ғалаба қозонганимиздан жуда хурсандмиз. Мухлислар биз билан ўйнашди ва ҳужум қилишимизда қўшимча куч беришди. Винисиус ва мен қанотларда кўплаб вазиятлар яратдик, Камавинга ва Модрич иккита ажойиб гол уришди.

«Бу бизнинг уйимиз ва биз мухлисларимиз билан ўйнаймиз. Улар ҳар бир ўйинда ёнимизда бўлишади ва бунинг эвазига биз анча кучайиб борамиз. Умид қиламизки, мавсум охиригача шундай давом этамиз.

«Бизда ҳаммаси яхши. Бугун яна бир «финал» бўлди: биз бу жуда муҳим ўйин эканлигини билардик, чунки ғалаба эвазига биз «Севилья»дан 8 очко олдинга ўтиб кетдик. Чоршанба куни яна бир «финал» бўлади ва биз барча муаммоларни бугунгидек ҳал қилишимиз керак. Биз қайтишимиз керак ва охиригача курашамиз» - деди Родриго.