Kataloniyaning «Barselona» klubi bosh murabbiyi Xavi La Liga doirasida «Elche»ustidan qo‘lga kiritilgan g‘alabadan keyingi fikrlari bilan o‘rtoqlashdi.
“Menimcha, natija adolatli. Biz qulayroq g‘alaba qozonishimiz mumkin edi.
«Elche» ajoyib o‘yin o‘tkazdi, bu biz uchun juda qiyin bo‘ldi, ammo muhim g‘alabaga erishdik.
Tanaffusga qadar ortda qolishga loyiq emasligimizni his qildim. Jahlim chiqdi. Yaxshiroq hujum qilsak, g‘alaba qozonishimiz mumkindek tuyuldi. Buni amalga oshirish uchun biz taktik o‘zgarishlarni amalga oshirdik.
La Ligada nima bilan yakun topishimizni bilmayman. Hissiyotlar yaxshi. Bizda ketma-ket bir nechta g‘alabalar bor va bu - biz yaxshi harakat qilayotganimni anglatadi.
Har bir g‘alaba o‘zingga bo‘lgan ishonchni oshiradi va o‘yinchilarni nima qilayotganingga ishontiradi", - dedi Xavi.
