APLning 28-tur doirasida «Manchester Siti» o‘z maydonida «Manchester Yunayted» jamoasini qabul qildi.
Tan olish kerak, Krishtianu Ronaldusiz qolgan "MYU" bugun "Manchester Siti"ni oldida har taraflama kuchsiz ekanligini amalda isbotladi.
O‘yinning boshidayoq de Bryuyne hisobni ochdi. 22-daqiqada Sancho hisobni tenglashtirdi va mana shu golni o‘tkazib yuborgandan keyin "Manchester Siti"ni tanib bo‘lmay qoldi. Hali qanotlardan, hali markazdan uyushtirilgan hujumlar o‘z samarasini berdi.
Xullas, de Bryuyne va Mahrezlarning ikkitadan kiritgan gollari va yakunda 4:1 hisobida "shaharliklar"ning g‘alabasini ta’minladi.
"Manchester Siti" – "Manchester Yunayted" 4:1
6 mart, 21.30, «Etixad Stedium»
Gollar: 1:0 – 5 de Bryuyne, 1:1 – 22 Sancho, 2:1 – 28 de Bryuyne, 3:1 – 68 Mahrez, 4:1 – 90 Mahrez
"Manchester Siti" – Ederson, Uoker, Stounz, Laport, Joau Kanselu, de Bryuyne (Gyundogan, 80), Bernardu Silva, Rodri, Grilish, Foden, Mahrez.
"Manchester Yunayted" – De Xea, Uan-Bissaka, Maguayr, Lindelef, Telles, Pogba (Reshford, 64), Fred, Maktomini, Brunu Fernandesh, Sancho, Elanga (Lingard, 64).
Ogohlantirishlar: Maguayr (63).
