АПЛнинг 28-тур доирасида «Манчестер Сити» ўз майдонида «Манчестер Юнайтед» жамоасини қабул қилди.

Тан олиш керак, Криштиану Роналдусиз қолган "МЮ" бугун "Манчестер Сити"ни олдида ҳар тарафлама кучсиз эканлигини амалда исботлади.

Ўйиннинг бошидаёқ де Брюйне ҳисобни очди. 22-дақиқада Санчо ҳисобни тенглаштирди ва мана шу голни ўтказиб юборгандан кейин "Манчестер Сити"ни таниб бўлмай қолди. Ҳали қанотлардан, ҳали марказдан уюштирилган ҳужумлар ўз самарасини берди.

Хуллас, де Брюйне ва Маҳрезларнинг иккитадан киритган голлари ва якунда 4:1 ҳисобида "шаҳарликлар"нинг ғалабасини таъминлади.

"Манчестер Сити" – "Манчестер Юнайтед" 4:1

6 март, 21.30, «Этихад Стэдиум»

Голлар: 1:0 – 5 де Брюйне, 1:1 – 22 Санчо, 2:1 – 28 де Брюйне, 3:1 – 68 Маҳрез, 4:1 – 90 Маҳрез

"Манчестер Сити" – Эдерсон, Уокер, Стоунз, Лапорт, Жоау Канселу, де Брюйне (Гюндоган, 80), Бернарду Силва, Родри, Грилиш, Фоден, Маҳрез.

"Манчестер Юнайтед" – Де Хеа, Уан-Биссака, Магуайр, Линделеф, Теллес, Погба (Рэшфорд, 64), Фред, Мактомини, Бруну Фернандеш, Санчо, Эланга (Лингард, 64).

Огоҳлантиришлар: Магуайр (63).