"Pari Sen-Jermen" klub yulduzi Kilian Mbappe bilan xayrlashishni istamayapti.

Jurnalist Fabrisio Romano bergan ma’lumotlarga ko‘ra, parijliklar rahbariyati Mbappeni ishontirish uchun qo‘lidan kelgan barcha ishni qilmoqda, ammo gap faqat pulda emas - Kilian "Real"da o‘ynashni va klub bilan muvaffaqiyat qozonishni istaydi.

23 yoshli fransuz joriy mavsum barcha turnirlarda jamoa uchun 34 o‘yinda maydonga tushib, 24 ta gol urdi va 17 ta golli uzatmani amalga oshirdi. Uning parijliklar bilan amaldagi shartnomasi joriy mavsum yakunida nixoyasiga yetadi.