«Manchester Yunayted» bosh murabbiyi Ralf Rangnik hujumchi Krishtianu Ronalduning jarohati borasidagi izoh berdi.
37 yoshli portugaliyalik futbolchi Angliya chempionatining 28-turidan o‘rin olgan «Manchester Siti»ga (1:4) qarshi o‘yinni son qismidan olgan jarohati tufayli o‘tkazib yubordi.
«Biz tibbiy bo‘limiga ishonishimiz kerak», - deya Rangnik so‘zlarini keltirmoqda Sky Sports. - Shifokor mashg‘ulot oldidan oldimga kelib, Ronalduning son qismidagi ayrim muammolar tufayli mashq qila olmasligini aytdi. Bu shunchaki fakt. Futbolchilar shifokor va tibbiyot bo‘limiga jarohat olganliklarini va o‘ynay olmasligini aytishadi. Men buni murabbiy sifatida qabul qilishim kerak. Agar o‘yinchi jarohat olgan deb hisoblasa, men uni majburlab o‘ynata olmayman», — deydi nemis mutaxassisi.
APLning 28-turidan so‘ng «Manchester Yunayted» 47 ochko jamg‘arib, turnir jadvalida peshqadam «Manchester Siti»dan 22 ochko ortda qolib, beshinchi o‘rinda bormoqda.
Joriy mavsumda Ronaldu «Manchester Yunayted» safida 29 ta o‘yinda maydonga tushib, 15 ta gol urdi va 3 ta golga assistentlik qildi. Hujumchining klub bilan shartnomasi 2023 yilning 30 iyuniga qadar mo‘ljallangan.
