«Манчестер Юнайтед» бош мураббийи Ралф Рангник ҳужумчи Криштиану Роналдунинг жароҳати борасидаги изоҳ берди.

37 ёшли португалиялик футболчи Англия чемпионатининг 28-туридан ўрин олган «Манчестер Сити»га (1:4) қарши ўйинни сон қисмидан олган жароҳати туфайли ўтказиб юборди.

«Биз тиббий бўлимга ишонишимиз керак», - дея Рангник сўзларини келтирмоқда Sky Sports. - Шифокор машғулот олдидан олдимга келиб, Роналдунинг сон қисмидаги айрим муаммолар туфайли машқ қила олмаслигини айтди. Бу шунчаки факт. Футболчилар шифокор ва тиббиёт бўлимига жароҳат олганликларини ва ўйнай олмаслигини айтишади. Мен буни мураббий сифатида қабул қилишим керак. Агар ўйинчи жароҳат олган деб ҳисобласа, мен уни мажбурлаб ўйната олмайман», — дейди немис мутахассиси.

АПЛнинг 28-туридан сўнг «Манчестер Юнайтед» 47 очко жамғариб, турнир жадвалида пешқадам «Манчестер Сити»дан 22 очко ортда қолиб, бешинчи ўринда бормоқда.

Жорий мавсумда Роналду «Манчестер Юнайтед» сафида 29 та ўйинда майдонга тушиб, 15 та гол урди ва 3 та голга ассистентлик қилди. Ҳужумчининг клуб билан шартномаси 2023 йилнинг 30 июнига қадар мўлжалланган.