«Yuventus» boshqaruvchisi Massimiliano Allegri jarohatlangan futbolchilar bilan bog‘liq vaziyat haqidagi savolga javob berdi. 

«Umid qilamanki, Bonuchchi va Ksellini tez orada safga qaytishadi, bizga ular kerak. Yarim himoyada ham o‘yinchilar yetishmayapti. Men Zakariyaning qaytishini intiqlik bilan kutaman, chunki Makkenni bu mavsumda boshqa o‘ynamaydi», - deya Allegrining so‘zlarini keltiradi DAZN.

Eslatib o‘tamiz, kecha «Yuventus» o‘z maydonida «Spesiya»dan minimal hisobda ustun kelgandi (1:0).

Ushbu o‘yindan so‘ng jamoalar turnir jadvalida quyidagi o‘rinlarni egallab turibdi: «Yuventus» (53 ochko) - 4, «Spesiya» (26 ochko) - 16.