Madridning «Atletiko» hujumchisi Luis Suares mavsum yakuniga yetgach, jamoani aniq tark etadi. Bu haqda Marca nashri xabar tarqatmoqda.
«Matraschilar» futbolchiga yangi shartnoma taklif qilishmadi. 35 yoshli urugvaylik futbolchining amaldagi shartnomasi shu yilning yozigacha amal qiladi.
Suares «Atletiko»dan jamoada olib qolishga harakat qilmayotganidan norozi bo‘lgan va agentiga boshqa jamoalar bilan muzokara olib boraverashi haqida ko‘rsatma bergan. Shuningdek, urugvaylik futbolchi iyun oyida jamoadan ketishi haqida klub rahbariyatini ham ogohlantirgan.
Suaresga ayni paytda «Inter», «Ayaks» va «Sevilya» klublari jiddiy qiziqish bildirmoqda.
