Мадриднинг «Атлетико» ҳужумчиси Луис Суарес мавсум якунига етгач, жамоани аниқ тарк этади. Бу ҳақда Marca нашри хабар тарқатмоқда.
«Матрасчилар» футболчига янги шартнома таклиф қилишмади. 35 ёшли уругвайлик футболчининг амалдаги шартномаси шу йилнинг ёзигача амал қилади.
Суарес «Атлетико»дан жамоада олиб қолишга ҳаракат қилмаётганидан норози бўлган ва агентига бошқа жамоалар билан музокара олиб боравераши ҳақида кўрсатма берган. Шунингдек, уругвайлик футболчи июнь ойида жамоадан кетиши ҳақида клуб раҳбариятини ҳам огоҳлантирган.
Суаресга айни пайтда «Интер», «Аякс» ва «Севилья» клублари жиддий қизиқиш билдирмоқда.
