«Tottenxem» o‘zining braziliyalik himoyachi Emerson Royalni sotishga tayyor.

Royal taxminan olti oy oldin «Barselona»dan 26 million funt sterling evaziga London klubiga ko‘chib o‘tgandi.

22 yoshli futbolchi Premyer-ligaga moslasha olmadi va asosiy tarkibdagi o‘rnini yo‘qotdi.

Futbolchi joriy mavsumda «Tottenxem» safida barcha turnirlarda 33 ta o‘yinda maydonga tushdi va atigi 1 ta golli uzatmani amalga oshirdi.

Qayd etilishicha, «Tottenxem» braziliyalik futbolchini sotsa, «Nottingem Forest»ning yosh himoyachisi Jed Spens uchun kurashishga tayyor.