«Real Kastilya» markaziy himoyachisi Rafa Marin Germaniyaning «Leypsig» klubi qiziqishlari doirasida tushib qoldi.
Mashhur Raul Gonsales qo‘l ostida «Real»ning ikkinchi jamoasida to‘p surayotgan 19 yoshli ispaniyalik «qaymoqranglilar» akademiyasining yaqindagina bitiruvchilari orasida asosiy iste’dodlardan biri sanaladi.
Sky Sports xabariga ko‘ra, "Leypsig" Marin bilan shartnoma imzolashi mumkin. Shartnoma, ehtimol, o‘yinchini kelajakda «Real»ga belgilangan summaga qayta sotish variantini o‘z ichiga oladi.
Joriy mavsumda Rafa Marin Ispaniyaning uchinchi kuchli divizionida 19 ta o‘yin o‘tkazdi. U Ispaniya yoshlar terma jamoasi safida ham 6 ta o‘yin o‘tkazgan. Yosh markaziy himoyachi hali «Real» asosiy jamoasida debyut qilgani yo‘q, biroq bir necha bor qaydnomalarda paydo bo‘lgan.
