«Реал Кастилья» марказий ҳимоячиси Рафа Марин Германиянинг «Лейпциг» клуби қизиқишлари доирасида тушиб қолди.
Машҳур Раул Гонсалес қўл остида «Реал»нинг иккинчи жамоасида тўп сураётган 19 ёшли испаниялик «қаймоқранглилар» академиясининг яқиндагина битирувчилари орасида асосий истеъдодлардан бири саналади.
Sky Sports хабарига кўра, "Лейпциг" Марин билан шартнома имзолаши мумкин. Шартнома, эҳтимол, ўйинчини келажакда «Реал»га белгиланган суммага қайта сотиш вариантини ўз ичига олади.
Жорий мавсумда Рафа Марин Испаниянинг учинчи кучли дивизионида 19 та ўйин ўтказди. У Испания ёшлар терма жамоаси сафида ҳам 6 та ўйин ўтказган. Ёш марказий ҳимоячи ҳали «Реал» асосий жамоасида дебют қилгани йўқ, бироқ бир неча бор қайдномаларда пайдо бўлган.
