«Real»ning sobiq yarim himoyachisi Stiv Makmanaman «PSJ» bosh murabbiyi Maurisio Pochettinoning «Manchester Yunayted»ga tayinlanishi mumkinligi haqida gapirdi.

«Menimcha, Pochettino «Manchester Yunayted»ni kuchaytira oladi», - deya Makmanamanning so‘zlarini keltirmoqda Daily Mail. «Ammo bu ishni istalgan murabbiy ham qila oladi. Bu yerda hech kimga hurmatsizlik qilmoqchi emasman, ammo «Manchester Yunayted» yangi murabbiy tayinlashi va uni qo‘llab-quvvatlashi kerak.

Sobiq yarim himoyachining fikricha, Ralf Rangnikning tayinlanishi «Manchester Yunayted»da tartibsizliklar keltirib chiqargan.

«Pochettino ajoyib murabbiy va «Manchester Yunayted»dagi vaziyatni to‘g‘rilab, keyin «Real»da ishlashi ham mumkin», — dedi Stiv.

Ma’lumot o‘rnida, APLning 28-turidan so‘ng «Manchester Yunayted» 47 ochko jamg‘arib, turnir jadvalida 5-o‘rinni egallab turibdi.