«Реал»нинг собиқ ярим ҳимоячиси Стив Макманаман «ПСЖ» бош мураббийи Маурисио Почеттинонинг «Манчестер Юнайтед»га тайинланиши мумкинлиги ҳақида гапирди.
«Менимча, Почеттино «Манчестер Юнайтед»ни кучайтира олади», - дея Макманаманнинг сўзларини келтирмоқда Daily Mail. «Аммо бу ишни исталган мураббий ҳам қила олади. Бу ерда ҳеч кимга ҳурматсизлик қилмоқчи эмасман, аммо «Манчестер Юнайтед» янги мураббий тайинлаши ва уни қўллаб-қувватлаши керак.
Собиқ ярим ҳимоячининг фикрича, Ральф Рангникнинг тайинланиши «Манчестер Юнайтед»да тартибсизликлар келтириб чиқарган.
«Почеттино ажойиб мураббий ва «Манчестер Юнайтед»даги вазиятни тўғрилаб, кейин «Реал»да ишлаши ҳам мумкин», — деди Стив.
Маълумот ўрнида, АПЛнинг 28-туридан сўнг «Манчестер Юнайтед» 47 очко жамғариб, турнир жадвалида 5-ўринни эгаллаб турибди.
