Sky nashri xabariga ko‘ra, «Milan» sardori Alessio Romanyoliga yangi shartnoma taklif qilgan, ammo «Lasio» ham futbolchi bilan muzokaralarni boshlagan.
«Milan» unga maoshini qisqartirish taklifini bildirgan, biroq futbolchi bunga rozi bo‘lmagan. Shuni ta’kidlash kerakki, italiyalik markaziy himoyachi yozda boshqa klubga o‘tishi mumkin bo‘ladi. Shu bois, «Lasio» ham futbolchiga yaxshigina shartnoma taklif qilishi mumkin.
Romanyoli bolaligidanoq «Lasio»ga muxlislik qiladi. Ma’lumot o‘rnida, futbolchi 2015 yilda «Roma» klubining yoshlar jamoasidan «Milan»ga ko‘chib o‘tgan.
