Sky нашри хабарига кўра, «Милан» сардори Алессио Романьолига янги шартнома таклиф қилган, аммо «Лацио» ҳам футболчи билан музокараларни бошлаган.
«Милан» унга маошини қисқартириш таклифини билдирган, бироқ футболчи бунга рози бўлмаган. Шуни таъкидлаш керакки, италиялик марказий ҳимоячи ёзда бошқа клубга ўтиши мумкин бўлади. Шу боис, «Лацио» ҳам футболчига яхшигина шартнома таклиф қилиши мумкин.
Романьоли болалигиданоқ «Лацио»га мухлислик қилади. Маълумот ўрнида, футболчи 2015 йилда «Рома» клубининг ёшлар жамоасидан «Милан»га кўчиб ўтган.
