Roman Abramovichning sanksiyalar ro‘yxatiga kiritilgani "Chelsi"ni o‘ta og‘ir ahvolga soladi. Xabarlarga ko‘ra, endilikda London jamoasi yozda hech bir futbolchisini sota olmaydi, hech qayerdan futbolchi sotib olmaydi ham.
Bu narsa shuni anglatadiki, klub tez orada Antonio Ryudiger, Sesar Aspilikueta hamda Andreas Kristensendan ayriladi. Chunki "Chelsi" ular bilan yangi bitim tuzish huquqidan mahrum bo‘ldi. Avvalroq Abramovichning Buyuk Britaniyadagi barcha aktivlari muzlatilgani haqida xabar qilingan edi.
