Leverkuzenning «Bayer» klubi Yevropa ligasining 1/8 final bosqichida «Atalanta» mehmoni bo‘ldi. Bu bahs «farmasevtlar» uchun UYEFA kubogi Yevropa Ligasi deb atalib kelinayotgan 2009 yildan keyingi yubiley o‘yin bo‘ldi.

«Bayer» Yevropa ligasida 50ta o‘yinda qatnashgan birinchi nemis klubi bo‘ldi. Umumiy tasnifga ko‘ra, «Bayer» qaysi bosqichdan qat’i nazar, Yevropa Ligasida 50 ta o‘yin o‘tkazgan o‘ttizinchi klub hisoblanadi. «Bayer» hech qachon Yevropa ligasida g‘alaba qozona olmadi, lekin 1988 yilda UYEFA kubogini qo‘lga kiritgan.