Sobiq ingliz hujumchisi Maykl Ouen Stiven Jerrardning «Aston Villa»ga kelganidan keyin qilgan ishlaridan hayratda qolganini ta’kidladi.

«Birmingem» jamoasi «Liverpul»ning sobiq yarim himoyachisi boshchiligida Angliya Premyer-ligasining 16 uchrashuvida 8 ta g‘alabaga erishdi va bu ularga turnir jadvalining quyi pog‘onasidan to‘qqizinchi pog‘onaga ko‘tarilish imkonini berdi.

«Aston Villa» yangi davrga chiqdi. Klub jiddiy ambisiyalarga ega. Stiven Jerrard va uning murabbiylar shtabi samarali ishlamoqda.

Bu mavsum yevrokuboklar yo‘llanmasiga ega bo‘lish uchun biroz kechroq, ammo keyingi mavsumda buning iloji bor», - deya Ouenning so‘zlarini keltiradi Daily Mail.

Ma’lumot uchun, Stiven Jerrard 2021 yilning noyabrida «Aston Villa»ni qabul qilib olgan edi.