Hech kimga sir emaski, Zinedin Zidan asli marsellik va agar u «PSJ»ni boshqarishga qaror qilsa, bu unga muammo tug‘dirishi mumkin.

Zizu katta bo‘lgan kvartallarda kambag‘al, lekin juda mag‘rur odamlar yashaydi. Ularga «poytaxt yigitlari», ya’ni «PSJ» juda yoqmaydi. Parij va Marsel barcha jabhada haqiqiy antagonistlar sanaladi. Masalan, Italiyadagi Milan va Neapol kabi.

Agar «PSJ» taklifiga rozi bo‘lsa Zidanning oilasi obro‘sini yo‘qotish xavfi bor, deb xabar beradi AS nashri. Sharqona tarbiya olgan odam uchun esa bu ko‘p narsani anglatadi... Yaqinda u Marseldagi tibbiyot markazi taqdimotiga tashrif buyurdi, u yerda hamyurtlari Zidanni «PSJ»ni boshqarmaslik talabi bilan tom ma’noda "bombardimon" qilishdi.

Lekin, aslida, murosa varianti bor – Zidan Parijda, lekin «PSJ» boshqaruvida emas, masalan, Fransiya termasini boshqarishi mumkin. Qatardagi jahon chempionatidan so‘ng Desham Fransiya termasi murabbiyligidan ketishi, keyin esa Zidanni terma jamoasiga taklif qilish ehtimoli katta.

Shunda Marsel aholisi bunga unchalik e’tiroz bildirmaydi - Parij boshqa narsa, "PSJ" esa butunlay boshqacha.