"Buxoro" bosh murabbiyi Hakim Fuzaylov Pro liga 2-turidan o‘rin olgan "Sho‘rtan"ga qarshi o‘yindan so‘ng (0:0) o‘z fikrlari bilan o‘rtoqlashdi.
"Hozir mavsumning boshida bunday o‘yinlar bo‘lishi tabiiy hol. Oldin aytganimdek men, o‘tgan yil ham PRO ligada ishlagandim va yana qaytaraman ligada kuchsiz jamoalar yo‘q hisobi. Turdan-turga qiziqarli o‘yinlar ko‘payib boraveradi. O‘yin jihatidan jamoalar ham bir-biriga yaqin barchasi. Shu sababli qiyinchiliklar bo‘lib turadi. Yana aytaman, mavsum endi boshlandi, bahor fasli, mashg‘ulotlarimiz bir salqinda, bir yomg‘ir ostida o‘tyapti. Masalan, bugun dim havoda to‘p surdik, bu ham o‘ziga yarasha qiyinchiliklar tug‘dirdi. Shunga qaramay butun o‘yin davomida jamoalar, hayajonda ushlab turishdi barchani. Jamoam 75 foizga yangilangan, ularda ozgina ishonch yetishmayapti xolos, lekin men futbolchilarimga ishonaman. Ularga vaqt kerak va albatta g‘alabalar bo‘ladi", - dedi mutaxassis.
