"Бухоро" бош мураббийи Ҳаким Фузайлов Про лига 2-туридан ўрин олган "Шўртан"га қарши ўйиндан сўнг (0:0) ўз фикрлари билан ўртоқлашди.
"Ҳозир мавсумнинг бошида бундай ўйинлар бўлиши табиий ҳол. Олдин айтганимдек мен, ўтган йил ҳам ПРО лигада ишлагандим ва яна қайтараман лигада кучсиз жамоалар йўқ ҳисоби. Турдан-турга қизиқарли ўйинлар кўпайиб бораверади. Ўйин жиҳатидан жамоалар ҳам бир-бирига яқин барчаси. Шу сабабли қийинчиликлар бўлиб туради. Яна айтаман, мавсум энди бошланди, баҳор фасли, машғулотларимиз бир салқинда, бир ёмғир остида ўтяпти. Масалан, бугун дим ҳавода тўп сурдик, бу ҳам ўзига яраша қийинчиликлар туғдирди. Шунга қарамай бутун ўйин давомида жамоалар, ҳаяжонда ушлаб туришди барчани. Жамоам 75 фоизга янгиланган, уларда озгина ишонч етишмаяпти холос, лекин мен футболчиларимга ишонаман. Уларга вақт керак ва албатта ғалабалар бўлади", - деди мутахассис.
