Bugun Angliya Premyer-Ligasi 29-tur bahslari davom ettiriladi. «Chelsi» klubi o‘z maydonida «Nyukasl» jamoasini qabul qiladi. Mazkur o‘yindan oldin qiziqarli fakt va ma’lumotlarni taqdim etamiz.
Bilasizmi?
«Nyukasl» bosh murabbiyi Eddi Xou «Chelsi» bilan o‘tgan 5 safar o‘yinidan uchtasida g‘alaba qozongan (2 mag‘lubiyat). Kamida uch marta "Stemford Bridj"ga tashrif buyurgan murabbiylar orasida Xou APL doirasida eng yuqori g‘alaba ko‘rsatkichini qayd etib turibdi (60 foiz).
«Chelsi» klubi Angliya chempionati doirasidagi «Nyukasl»ga qarshi oxirgi 8 uchrashuvning barchasida g‘alaba qozongan. «Aristokratlar» liga tarixida ushbu yurishdan 4 marotaba ko‘proq g‘alabali seriya qayd etishgan. Ulardan eng oxirgisi 1976 va 2003 yillar davomida qo‘lga kiritilgan («Bolton», 9 g‘alabali o‘yin).
«Nyukasl» musobaqa jadvalining kuchli uchligida borayotgan jamoalarga qarshi oxirgi 24 safar o‘yinining 23tasida mag‘lubiyatga uchragan va faqatgina «Lester» bilan bahsda 4:2 hisobida g‘alabaga erishgan (may, 2021 yil).
Joriy mavsum barcha musobaqalardagi "Stemford Bridj"da o‘tkazilgan o‘yinlarda Kay Xavertsdan ko‘ra ko‘proq gol urgan «Chelsi» futbolchisi topilmadi. Germaniyalikning hisobida 5ta gol mavjud.
Bahs rasmiylari
Bosh hakam: Devid Kyut
Qanot hakamlari: Yan Xassin, Nik Xopton
Zaxira hakami: Maykl Selisburi
VAR: Jon Bruks
VAR yordamchisi: Sayan Messi-Ellis.
O‘zaro qarama-qarshiliklar
Tomonlar APLda o‘zaro 53 marotaba to‘qnash kelishgan. Shulardan 28 uchrashuvda londonliklar g‘alaba qayd etishgan bo‘lsa, 13 bahsda «Nyukasl»ning qo‘li baland kelgan. Yana 12 o‘yinda durang natija qayd etilgan.
Jamoalarning APLdagi eng so‘nggi o‘zaro o‘yini 2021 yilning 30 oktyabr kuni o‘tkazilgan va «Chelsi» safarda 3:0 hisobi bilan g‘alaba qozongan.
«Chelsi» 2-0 «Nyukasl» (15.02.2021)
«Nyukasl» 0-2 «Chelsi» (21.11.20)
«Nyukasl» 1-0 «Chelsi» (18.01.20)
«Chelsi» 1-0 «Nyukasl» (19.10.19).
Yana bir qiziqarli tomoni shundaki, ikkala jamoa ham APLdagi so‘nggi 5 uchrashuvida 4 g‘alaba va 1 durangga erishgan.
Ayni paytda 27 o‘yindan keyin 56 ochko to‘plagan Roman Abramovich jamoasi APLda 3-o‘rinda bormoqda. «Nyukasl» hisobida 31 ochko mavjud va klub 14-o‘rinni band etgan.
«Chelsi» joruiy mavsum APLning 12 o‘yinida darvozasidan to‘p olib chiqmagan, «oq-qoralar»da esa bu ko‘rsatkich to‘rttani tashkil etadi.
«Chelsi»ning eng yirik g‘alabasi «Norvich»ga qarshi uchrashuvda (7:0) qo‘lga kiritilgan. «Nyukasl»ning «Everton» ustidan qozongan g‘alabasi (3:1) klubning joriy mavsum APLda qo‘lga kiritgan eng yirik yutug‘i bo‘lib turibdi.
Meyson Maunt joriy mavsum APL bahslarida 8 gol va 7 assist qayd etgan. Ushbu mavsumda ikkala jamoa futbolchilari orasida gol va assist borasida angliyalik xavbekdan ko‘ra samaraliroq harakat qilgan futbolchi yo‘q.
Bugungi bahs uchun taxminiy tarkiblar
«Chelsi»: Mendi, Kristensen, Silva, Ryudiger, Sarr, Kante, Jorjinyo, Kovachich, Ziyesh, Maunt, Xaverts.
«Nyukasl»: Dubravka, Mankilyo, Shar, Burn, Targett, Gimaraesh, Shelvi, Joelinton, Murfi, Vud, Sen-Maksimen.
Uchrashuv bugun Toshkent vaqti bilan 19:00da boshlanadi.
