«Tottenxem» bosh murabbiyi Antonio Konte jamoasining APL 29-turi doirasida «Manchester Yunayted»ga qarshi o‘yindagi mag‘lubiyati (2:3) haqida fikr bildirdi.
«Bu mag‘lubiyatni tushuntirish qiyin. Biz bunga loyiq emasdik. Lekin qanday qilib yaxshilanishimizni tushunishimiz kerak. Yaxshi o‘yin o‘tkazdik. Ba’zi vaziyatlarni hal qilish uchun ko‘proq tajriba ko‘rsatishimiz kerak. O‘yin ko‘p qismlardan iborat. Raqib bosim uyushtirayotganda kuchliroq harakat qilishni va intensivlikni oshirishni hamda qachon xotirjam bo‘lish kerakligini tushunish kerak. Bizda yaxshilanish uchun imkoniyatlar ko‘p.Maydonda biz ko‘p rivojlanishga erishdik. Lekin tajribani xarid qilib bo‘lmaydi», - dedi Konte Sky Sports bilan suhbatda.
