"Chelsi" hujumchisi Romelu Lukaku OAVdan norozi. Futbolchi jurnalistlar uning klubni tark etish istagi haqida yozishganidan g‘azablangan.
Roman Abramovichga nisbatan sanksiyalar qo‘llangani ma’lum bo‘lgach, jurnalistlar Lukaku "Inter"ga qaytish haqida o‘ylayotgani haqida yozishni boshladi.
The Teleraph xabariga ko‘ra, belgiyalik futbolchi jamoani tark etish haqida xayoliga ham keltirmayapti. Uning fikricha, endi barcha o‘yinchilar jamoa duch kelayotgan barcha qiyinchiliklarni yengish uchun birlashishi kerak.
"Chelsi"ning qo‘shimcha qilishicha, Lukaku qolganlar bilan birga jamoadagi vaziyatni barqarorlashtirish uchun harakat qilmoqda.
